لاہور: پاکستانی آل راؤنڈر یاسر عرفات ٹوئنٹی ٹوئنٹی کرکٹ میں سب سے زیادہ وکٹیں حاصل کرنے والے باؤلرز کی فہرست میں دوسرے نمبر پر آگئے۔ قومی ٹوئنٹی ٹوئنٹی ٹورنامنٹ میں راولپنڈی ریمز کی نمائندگی کرنے والے یاسر عرفات اب تک پینتالیس میچوں میں باسٹھ وکٹیں حاصل کرچکے ہیں۔ ٹوئنٹی ٹوئنٹی کرکٹ میں سب سے زیادہ وکٹیں حاصل کرنے کا اعزاز مڈل سیکس کے جنوبی افریقی آل راؤنڈر ٹائرون ہینڈرسن کو حاصل ہے۔

وہ ساٹھ میچوں میں تہتر وکٹیں حاصل کرچکے ہیں یاسر عرفات کے علاوہ سابق پاکستانی آل راؤنڈر اظہر محمود ٹوئنٹی ٹوئنٹی فارمیٹ میں پچاس سے زائد وکٹیں حاصل کرچکے ہیں چھبیس سالہ عرفات ایک ٹیسٹ،آٹھ ون ڈے اور چار ٹوئنٹی ٹوئنٹی انٹرنیشنل میچز میں پاکستان کی نمائندگی کرچکے ہیں انہوں نے انگلش ٹوئنٹی ٹوئنٹی کپ میں کینٹ کی جانب سے عمدہ کارکردگی کا مظاہرہ کیا تھا۔