نئی دہلی: آسٹریلوی کرکٹ ٹیم بھارت کے خلاف پہلے ٹیسٹ کیلئے بنگلور پہنچ گئی۔ آسٹریلوی ٹیم کی بنگلور آمد پر سیکورٹی کے کڑے انتظامات کئے گئے تھے۔ کھلاڑیوں کو سیکورٹی کے سخت گھیرے میں ائیرپورٹ سے ہوٹل منتقل کیا گیا۔ بھارت اور آسٹریلیا کے درمیان چار میچوں پرمشتمل سیریز کا پہلا ٹیسٹ نو اکتوبر سے شروع ہوگا۔ عالمی چیمپئن آسٹریلیا نے دو ہزار چار میں بھارتی سرزمین پر پینتیس سال بعد ٹیسٹ سیریز جیتی تھی۔

بھارت کے کئی کرکٹرز دونوں ممالک کے درمیان سیریز کو ایشز اور پاک بھارت سیریز سے بڑا معرکہ قرار دے چکے ہیں۔ دوسری جانب کرناٹکا اسٹیٹ کرکٹ ایسوسی ایشن نے سابق بھارتی کپتان راہول ڈریوڈ کے ٹیسٹ کرکٹ میں دس ہزار رنز مکمل ہونے پر ڈریوڈ کو خراج تحسین پیش کرنے کے لئے بنگلور کے چناسوامی اسٹیڈیم میں ان کے نام سے ایک خصوصی دیوار تعمیر کی ہے جس میں دس ہزار اینٹیں لگائی گئی ہیں۔

ڈریوڈ نے کہا کہ میرے لئے سب سے بڑی بات یہ ہے کہ مجھے ٹنڈول ،لارا اور اسٹیوواہ جیسے عظیم بیٹسمینوں کے ساتھ کھیلنے کا موقع ملا میرے لئے یہ چیز بہت معنی رکھتی ہے