برمنگھم : پاکستان اور انگلینڈ کے درمیان تیسرا اور آخری ہاکی ٹیسٹ ایک ایک گول سے برابر ہوگیا۔ پاکستان نے تین میچوں کی سیریز دو صفر سے جیت لی۔ برمنگھم میں ہونے والے تیسرے میچ میں پاکستانی مینجمنٹ نے نئے کھلاڑیوں کو میچ کھلانے کا فیصلہ کیا۔ گول کیپر سلمان اکبر کی جگہ ناصر احمد کو اسکواڈ میں شامل کیا گیا۔ انگلینڈ نے کھیل کے آغاز میں ہی اٹیکنگ پالیسی اختیار کی۔ تیرہویں منٹ میں برطانیہ کی جانب سے نیل مک کوئے نے گول کردیا۔ تاہم میچ کے دوسرے ہاف میں عباس حیدر نے پاکستان کیلئے گول کرکے میچ برابر کردیا۔ پاکستان اس سے پہلے دو میچ جیت کر سیریز پہلے ہی اپنے نام کرچکا ہے۔برطانیہ میں پاکستان کے ہائی کمشنر ثالث کیانی میچ میں مہمانی خصوصی تھے۔ ہائی کمشنر نے ٹیم کے اعزاز میں عشائیہ بھی دیا۔