کراچی: وفاقی وزیر کھیل آفتاب شاہ جیلانی نے کہا ہے کہ سلیکٹرز کی منتخب کردہ ٹیم نے پاکستان کو ورلڈکپ جتوایا ان کو نکالے جانے پر ہمدردی ہے تاہم وہ پی سی بی کے معاملات میں مداخلت نہیں کرسکتے۔اصغر علی شاہ اسٹیڈیم کراچی میں اے او کوچنگ کیمپ کے دورے کے موقع پر میڈیا سے بات چیت کرتے ہوئے آفتاب جیلانی نے کہا کہ صرف ایم سی سی یا آسٹریلیا نہیں بلکہ پاکستان بھی کر کٹ کے فروغ میں اہم کردارادا کررہا ہے۔

آفتاب شاہ جیلانی کا کہنا تھا کہ کم عمر بچوں کی تربیتی کیمپ میں کوچنگ ایک مثبت قدم ہے جس کے لیے ڈاکٹر محمد شاہ مبارکباد کے مستحق ہیں۔ انہوں نے کہا کہ بھارت سے سیاسی سطح پر رابطوں کا آغاز ہوچکا ہے لیکن کھیلوں کے حوالے سے اب تک کوئی پیش رفت نہیں ہوئی ۔ ایک سوال پر آفتاب جیلانی کا کہنا تھا کہ سلیکشن کمیٹی کو تحلیل کیا جانا افسوس ناک ہے لیکن وہ پی سی بی کے معاملات میں مداخلت نہیں کرسکتے۔