اسلام آباد: ٹوئنٹی ٹوئنٹی ورلڈ کپ کر کٹ ٹورنامنٹ جیتنے والی قومی ٹیم کو تمغہ حسن کارکردگی دینے کے لیے سمری ایوان صدر بھیج دی گئی۔صوبائی وزیر کھیل اور پی سی بی گورننگ بورڈ کے رکن ڈاکٹرمحمد علی شاہ نے آج نیوزسے گفتگو کرتے ہوئے بتایا کہ صدر مملکت آصف علی زرداری کی ہدایات کی روشنی میں ٹوئنٹی ٹوئنٹی ورلڈ کپ کی فاتح ٹیم کو تمغہ حسن کارکردگی دینے کے لیے سمری انہوں نے ایوان صدر میں جمع کرادی ہے۔

انہوں کہا کہ چودہ اگست کو پاکستان کی تریسٹھ ویں جشن آزادی کے موقع پر کھلاڑیوں کو تمغہ حسن کارکردگی دیا جائے گا۔ پاکستان نے انگلینڈ میں ہونے والے ٹوئنٹی ٹوئنٹی ورلڈ کپ کے فائنل میں سری لنکا کو آٹھ وکٹوں سے شکست دے کرٹائٹل اپنے نام کیا تھا۔